AUTOBUSES LA GUIPUZCOANAren historiaren oinarri dira ahalegina, erronkak gainditzea eta ekintzailetza. Baita bezeroekiko eta gizartearekiko konpromisoa ere. Historia 1925ean hasi zen, “Azkoitia-Donostia” autobus zerbitzuaren linea emakida lehiaketara atera zenean. Une erabakigarria 1945ean izan zen, José Manuel Iraeta Azpiazuk, Azkoitiko taxi-gidari batek, enpresa erosi zuenean. Enpresaren izen soziala mantendu zuen eta garai hartan lehen urratsak ematen ari zen errepide bidezko bidaiarien garraioaren sektoreari balioa ematearen erronka hartu zuen bere gain. Eta, bere seme-alabekin batera, proiektua finkatzeari ekin zion

50eko hamarkadan, Iraeta familiak enpresaren hazkundea bultzatu zuen, aurrez ordea emakida lortzeko “lege borroka” bat bizi izan zuen. Gidari berriak hasi ziren enpresan, bulego berriak ireki ziren, autobus-flota berritu zen eta jarduera eta zerbitzuak gehitu ziren.

70eko hamarkadan José Manuel Iraetak erretiroa hartu zuen. Enpresa bere seme-alaben esku geratu zen, eta biloba batzuk enpresaren eguneroko zereginetan parte hartzen hasi ziren. Ibilgailu-flota modernizatzeko eta berritzeko prozesu bat jarri zen abian.

Eta, 2013an, hirugarren belaunaldiak enpresaren gidaritza hartu zuenean, aldaketa garrantzitsuak egon ziren enpresaren barne-kudeaketan,. Une horretan, jardueraren dibertsifikazioa ere areagotu egin zen lineen gehitzearekin, kalitate-ziurtagiriak lortzearekin eta prozesuen kudeaketan eta garapen teknologikoetan jarduera ezberdinak burutzearekin.